Kollecdə “Karyera mərkəzlərinin qurulması və karyera planlaması istiqamətində işlərin aparılması” mövzusunda tədbir keçirildi.

Lənkəran Dövlət Universitetinin nəzdində Sosial və Aqrar-Texnoloji Kollecdə təcrübə rəhbəri və karyera üzrə mütəxəssis Zəka Mehrəliyev tərəfindən “Karyera mərkəzlərinin qurulması və karyera planlaması istiqamətində işlərin aparılması” mövzusunda tədbir keçirildi. Tədbirdə Zəka Mehrəliyev çıxış edərək insanın hər hansı sahədə inkişaf edib bir mövqedən digərinə çatma prosesindən, professional maraq sahələrini qavramaqdan, mükafat dəyərlərinə aydınlıq gətirməkdən, irəliləyiş üçün doğru fürsətləri seçməkdən, düzgün karyera quruculuğu üçün peşəkar şəxsiyyət kimi formalaşmaqdan, düzgün seçilmiş karyeranın gələcək həyata təsirindən bəhs etdi.
“Maliyyə işi” ixtisasının tələbələri Fatimə Rzayeva, Elza Rahmanova çıxış edərək karyeranın fərdin ictimai və ya şəxsi iş həyatında irəliləyəcəyi, uğur əldə etmək üçün izləyəcəyi və çalışacağı, inkişaf və irəliləyişləri ehtiva edən bir anlayış olduğundan bəhs etdilər.