Kollecdə “Qeyri rəsmi məşğulluğun aradan qaldırılması” mövzusunda tədbir keçirildi.

7 noyabr 2024-cü il tarixində Lənkəran Dövlət Universitetinin nəzdində Sosial və Aqrar-Texnoloji Kollecdə Lənkəran-Astara Regional məşğulluq filialının “İşsiz şəxslərlə iş şöbəsi”nin aparıcı mütəxəssis karyera məsləhətçisi Rəşid Rzazadə tərəfindən “Qeyri rəsmi məşğulluğun aradan qaldırılması” mövzusunda tədbir keçirildi. Tədbirdə çıxış edən Rəşid Rzazadə əmək bazarının tənzimlənməsi sahəsində normativ hüquqi bazanın və institusional strukturun, işçi qüvvəsinin bacarıqlarının inkişaf etdirilməsindən, aktiv məşğulluq tədbirlərinin əhatə dairəsinin genişləndirilməsindən, səmərəliliyin artırılmasından, sosial müdafiəyə xüsusi ehtiyacı olan və işə düzəlməkdə çətinlik çəkən şəxslərin əmək bazarına inteqrasiyasının gücləndirilməsindən bəhs edərək tədbir iştirakçılarını maraqlandıran sualları cavablandırdı.
Sonda “Məşğulluq strategiyası” mövzusunda videoçarx nümayiş olundu.