Kollecdə “Ümummilli lider Heydər Əliyevin anım günü”nə həsr olunmuş xüsusi dərs keçirildi.

11 dekabr 2025-ci il tarixində Lənkəran Dövlət Universitetinin nəzdində Sosial və Aqrar-Texnoloji Kollecdə 12 dekabr “Ümummilli lider Heydər Əliyevin anım günü”nə həsr olunmuş xüsusi dərs keçirildi. “Tarix və sosial fənlər” FBK-nın müəllimi Mələk Əhmədzadə çıxış edərək bildirdi ki, Ümummilli lider, çoxəsrlik Azərbaycan tarixində misilsiz xidmətləri ilə əbədiyaşar mövqe qazanmış böyük siyasətçi, dövlət xadimi Ulu Öndər Heydər Əliyevin ağlı, cəsarəti, siyasi iradəsi və müdrikliyi ilə mənsub olduğu Azərbaycan xalqının həyatında rolu əvəzedilməzdir.
Azərbaycan xalqının Ümummilli lideri, müstəqil Azərbaycan dövlətinin qurucusu Heydər Əliyev Azərbaycan tarixinin yetirdiyi ən böyük şəxsiyyətlərdən biridir. Azərbaycanın 30 ildən artıq bir dövrünü əhatə edən tarixi taleyi, bu illər ərzində xalqın ictimai-siyasi, iqtisadi və mədəni həyatının bütün sahələrində dirçəlişi Ulu Öndərin adı ilə sıx bağlıdır. Ulu Öndər rəhbərlik etdiyi dövr ərzində Azərbaycanı bir dövlət kimi zamanın ağır və sərt sınaqlarından çıxara bilmiş, ölkənin gələcək inkişaf strategiyasını müəyyən etmiş, onun həyata keçirilməsi üçün mühüm addımlar atmışdır.
Sonda Ümummilli lider Heydər Əliyevin həyat və yaradıcılığına həsr olunmuş videoçarx nümayiş olundu və tələbələri maraqlandıran suallar cavablandırıldı.