Kollecdə “Sən elə bir zirvəsən” adlı respublika ifa müsabiqəsinin II mərhələsi (zona mərhələsi) keçirildi.

2 aprel 2024-cü il tarixində Lənkəran Dövlət Universitetinin nəzdində Sosial və Aqrar-Texnoloji Kollecdə Elm və Təhsil Nazirliyi, Gənclərin Respublika Bədii Yaradıcılıq Evinin layihəsi əsasında 5 nominasiya üzrə Elm və Təhsil Nazirliyi sistemində fəaliyyət göstərən peşə və orta ixtisas təhsili müəssisələrinin tələbələri arasında müstəqil Azərbaycan dövlətinin qurucusu, ümummilli lider Heydər Əliyevin anadan olmasının 101 illiyinə həsr olunmuş “Sən elə bir zirvəsən” adlı respublika ifa müsabiqəsinin II mərhələsi (zona mərhələsi) keçirildi. Müsabiqədə LDU nəzdində Sosial və Aqrar-Texnoloji Kollecin, Lənkəran Tibb Kollecinin, Masallı Dövlət Regional Kollecinin tələbələri iştirak etmiş, münsiflər heyətinin seçimi əsasında Azərbaycan bəstəkarlarının estrada mahnıları nominasiyası üzrə LDU nəzdində Sosial və Aqrar-Texnoloji Kollecin tələbəsi Dadaşova Zərda Ramiz qızı və Lənkəran Tibb Kollecinin tələbəsi Əlizadə Şəhanə Zeynur qızı, Təsnif və Xalq mahnıları nominasiyası üzrə LDU nəzdində Sosial və Aqrar-Texnoloji Kollecin tələbəsi Əsədullayev Vüqar İlqar oğlu I yeri tutaraq qalib olmuşdular. Xatırladaq ki, zona mərhələsinin qalibləri III mərhələ – respublika mərhələsində iştirak edəcəklər.