Kollecdə “Əməyin mühafizəsi və qış mövsümünə hazırlıq” mövzusunda tədbir keçirildi.

5 noyabr 2024-cü il tarixində Lənkəran Dövlət Universitetinin nəzdində Sosial və Aqrar-Texnoloji Kollecdə Kollecin təmir, tikinti və təhlükəsizlik üzrə mühəndisi İlqar Cəfərli tərəfindən “Əməyin mühafizəsi və qış mövsümünə hazırlıq” mövzusunda tədbir keçirildi. Tədbirdə çıxış edən İlqar Cəfərli qış mövsümünə hazırlıqla əlaqədar görülən işlərin vəziyyətindən, işçilərin sağlamlığının qorunması, həyatı üçün risklərin qarşısının alınması təhlükəsizliyi təmin edən təşkilati, texniki və hüquqi tədbirlərdən, işçilərin təhlükəsizlik texnikası ilə tanış edilməsindən, müasir şəraitə uyğun əmək təhlükəsizliyi qaydalarının yaradılmasından, əməyin mühafizəsi üzrə münasibətləri nizama salan yeni normaların işlənib hazırlanmasından bəhs edərək müvafiq təlimatlarla tədbir iştirakçılarını tanış etdi.
Sonda “Əməyin mühafizəsi” mövzusunda videoçarx nümayiş olundu.