Kollecdə ”Yaşıl dünya naminə həmrəylik ili” ilə əlaqədar “Təmiz ekoloji mühit – sağlam həyat” mövzusunda seminar keçirildi.

30 oktyabr 2024-cü il tarixində Lənkəran Dövlət Universitetinin nəzdində Sosial və Aqrar-Texnoloji Kollecdə “Aqrar və ekoloji fənlər” FBK-nın müəllimi Asya Quluzadə tərəfindən ”Yaşıl dünya naminə həmrəylik ili” ilə əlaqədar “Təmiz ekoloji mühit – sağlam həyat” mövzusunda seminar keçirildi. Asya Quluzadə çıxış edərək iqlim dəyişiklikləri və onların canlı aləmə mənfi təsirlərindən, ekoloji mədəniyyətdən, beynəlxalq həmrəyliyin gücləndirilməsi məqsədilə ölkəmizdə 2024-cü ilin “Yaşıl dünya naminə həmrəylik ili” elan edilməsinin əhəmiyyətindən, sağlam ətraf mühitin insanın həyatına, səhhətinə təsirindən, sağlam dünya naminə ətraf mühitə diqqət və qayğının artırılmasından, yaşıllıqların salınmasında aktiv iştirak etməyin vacibliyindən bəhs edərək tələbələri maraqlandıran sualları cavablandırdı.