Kollecdə “Yeniyetmələr və gənclər arasında narkomaniyaya qarşı təbliğat və maarifləndirmə işlərinin genişləndirilməsi” mövzusunda tədbir keçirildi.

Lənkəran Dövlət Universitetinin nəzdində Sosial və Aqrar-Texnoloji Kollecdə Tələbə Gənclər Təşkilatının Sədri Şəfa Cavadovanın təşkilatçılığı ilə “Yeniyetmələr və gənclər arasında narkomaniyaya qarşı təbliğat və maarifləndirmə işlərinin genişləndirilməsi” mövzusunda tədbir keçirildi. Tədbirdə çıxış edən Şəfa Cavadova yeniyetmə və gənclərin həyatına müxtəlif yollarla daxil olan zərərli vərdişlərdən, narkotika istifadəçilərin taleyindən, narkomaniyanın fəsadları və nəticələrindən, ondan qorunmağın yollarından, yeniyetmə və gənclərin zərərli vərdişlərdən uzaqlaşdırılmasından, asudə vaxtın səmərəli təşkili və onlarda sağlam həyat tərzinin formalaşdırılması istiqamətində görülən işlərdən bəhs etdi.
Sonda qarşılıqlı fikir mübadiləsi şəraitində keçən tədbirdə gənclər narkomaniyaya qarşı mübarizədə öz fikirlərini fərdi qaydada irəli sürərək narkomaniyaya qarşı münasibətlərini bildirdilər.