Kollecdə “Tullantıların səmərəli idarə olunması” mövzusunda tədbir keçirildi.

14 iyun 2023-cü il tarixində kollecdə yüksək keyfiyyətli ekoloji mühitin təmin olunması məqsədi ilə “Tullantıların səmərəli idarə olunması” mövzusunda “Kimya, biologiya və aqrar” FBK-nın müəllimləri Zakir Ramazanlı və Asiya Abbasovanın iştirakı ilə tədbir keçirilmişdi. Tədbiri giriş sözü ilə açan kollecin tərbiyə işləri üzrə direktor müavini Ülviyyə Rzayeva sağlam ekoloji mühitin təmin olunmasında yer kürəsinin çirklənmədən qorunmağın əhəmiyyətindən bəhs etdi. Çıxış edənlərdən “Kimya, biologiya və aqrar” FBK-nın müəllimi Zakir Ramazanlı bioloji müxtəlifliyin qorunması məqsədi ilə tələbələrin ekoloji maarifləndirilməsinin əhəmiyyətindən danışdı. Seminarda “Ətraf mühitin mühafizəsi və bərpası” ixtisasının tələbələrinin çıxışları dinlənildi. Sonda tələbələri maraqlandıran suallar cavablandırılaraq videoçarx nümayiş olundu.