“Xəmsə” intelektual yarışmasının I mərhələsinə yekun vuruldu
17 fervral 2017-ci il tarixində Lənkəran Dövlət Humanitar Kollecində Lənkəran Şəhər Gənclər və İdman İdarəsinin birgə təşkilatçılığı ilə XƏMSƏ intellektual oyununun I mərhələsi keçirildi. İntelektual yarışmada kollecimizi 6 komanda təmsil etdi. Tələbələrdən ibarət “Evrika”, “Hədəf”, “Ornament”, “Günəşli”, “Piramida”, “Zirvə” komandalarının yarışmadakı çıxışları dinləyici və münsiflər tərəfindən yüksək qiymətləndirildi. Yarışmada Kollecin tərbiyə işləri üzrə direktor müavini Ülviyyə Rzayeva və tarix müəllimi t.ü.f.d. Cəmil Quliyev, Lənkəran Şəhər Gənclər və İdman İdarəsinin rəis müavini Elbəy Fətəliyev, İntellektual oyunlar departamentinin sədri Zamin Ağazadə, İntellektual oyunlar departamentinin sədrinin müavini Orucəli Abbaszadə iştirak edirdilər. Oyunların növbəti mərhələsində Lənkəran Dövlət Universiteti, Lənkəran Dövlət Humanitar Kolleci və Lənkəran Tibb Kolleci mübarizsəni davam etdirəcəklər. Növbəti mərhələ Lənkəran şəhəri Heydər Əliyev mərkəzində keçiriləcəkdir.
