Kollecdə “Məhəmməd Füzulinin 530 illiyinə həsr olunmuş” tədbir keçirildi.

Lənkəran Dövlət Universitetinin nəzdində Sosial və Aqrar-Texnoloji Kollecdə “Humanitar fənlər” FBK-nın təşkilatçılığı ilə Azərbaycan ədəbiyyatının iftixarı olan “Məhəmməd Füzulinin 530 illiyinə həsr olunmuş” tədbir keçirildi. Tədbirdə “Humanitar fənlər” FBK-nın müəllimləri Səidə Kazımova “Məhəmməd Füzulinin həyatı və yaradıcılığında əxlaqi – tərbiyəvi dəyərlər”, Nuranə Əskərova “Məhəmməd Füzulinin lirikası”, Aytəkin Ağazadə “Məhəmməd Füzulinin bədii nəsri”, “Tarix və sosial fənlər” FBK-nın müəllimi Sevanə Abbasova “Məhəmməd Füzulinin mütaliə haqqında fikirləri” mövzusunda çıxış edərək Azərbaycan tarixinə görkəmli şair, mütəfəkkir, tərcüməçi, Azərbaycan ədəbi dilinin yaradıcılarından biri kimi daxil olan Məhəmməd Füzuli haqqında məlumat verdilər.
“İnstrumental ifaçılıq (fortepiano)” ixtisasının tələbələrinin müşaiətilə tələbələrin ifasında Füzuli yaradıcılığından nümunələr səsləndirildi.