Kollecdə peşə və orta ixtisas təhsili müəssisələrinin tələbələri arasında Ümummilli lider Heydər Əliyevin anadan olmasının 102 illiyinə həsr olunmuş “Sən elə bir zirvəsən” adlı respublika ifa müsabiqəsinin zona mərhələsi keçirildi.

11 mart 2024-cü il tarixində Lənkəran Dövlət Universitetinin nəzdində Sosial və Aqrar-Texnoloji Kollecdə Elm və Təhsil Nazirliyi, Gənclərin Respublika Bədii Yaradıcılıq Evinin layihəsi əsasında 5 nominasiya – (şeir, təsnif və xalq mahnıları, Azərbaycan bəstəkarlarının estrada mahnıları, kollektiv ifa (xor, duet, kvartet, kvintet), rəqs (solo, etnik, duet və ya kollektiv rəqs) üzrə Elm və Təhsil Nazirliyi sistemində fəaliyyət göstərən peşə və orta ixtisas təhsili müəssisələrinin tələbələri arasında müstəqil Azərbaycan dövlətinin qurucusu, Ümummilli lider Heydər Əliyevin anadan olmasının 102 illiyinə həsr olunmuş “Sən elə bir zirvəsən” adlı respublika ifa müsabiqəsinin zona mərhələsi keçirildi. Müsabiqədə LDU nəzdində Sosial və Aqrar-Texnoloji Kollecin, Lənkəran Tibb Kollecinin, Masallı Dövlət Regional Kollecinin, Cəlilabad Dövlət Peşə Təhsili Mərkəzinin, Lənkəran Dövlət Peşə Təhsili Mərkəzinin ümumilikdə 20-dən artıq tələbəsi iştirak etmişdi. Münsiflər heyətinin seçimi əsasında Azərbaycan bəstəkarlarının estrada mahnıları nominasiyası üzrə LDU nəzdində Sosial və Aqrar-Texnoloji Kollecin tələbəsi Rəhmanzadə Bəsirə Cavanşir qızı, şeir nominasiyası üzrə Lənkəran Tibb Kollecinin tələbəsi Babazadə Fidan Qılman qızı, rəqs nominasiyası (solo) üzrə Cəlilabad Dövlət Peşə Təhsil Mərkəzinin tələbəsi Cabbarova Gülnar Hicran qızı, Kollektiv ifa nominasiyası (kvartet) üzrə LDU nəzdində Sosial və Aqrar-Texnoloji Kollecin tələbələri Rəhmanzadə Bəsirə Cavanşir qızı, Ağazadə Fatimə Rövşən qızı, Dadaşova Zərda Ramiz qızı, Bağırova Zəhra Nöfəl qızı I yeri tutaraq növbəti respublika mərhələsində iştirak üçün vəsiqə qazanmışdılar.